Ce robe ise?

Inte lenghe furlane, la detule a je un piçul componiment tirât fûr de storie, da tradizion o pûr de vite di ogni dì, che insom al volarès lassâ un messaç o un insegnament.

In talian la peraule si podarès voltâ come proverbio o pûr come massima. Tropis voltis si sono sintudis detulis, soredut dai nestris vons. In chest blog, la detule a di jessi… Mate! Cun pocjis regulis, o pensi che si podarès meti dongje cetantis detulis matis, tant che, come che i viodês, si pues meti impins un blog.

Se ancje voaltris o volês mandâ une detule, scriveit ae direzion di pueste detulemate@gmail.com. Se no rispiete dal dut lis regulis metudis par sore, il nestri staff al pensarà a daus chel pôc di sugjeriment par regolâle e metile a puest. No sin espertons di detulis, ma insiemi a voaltris o cumbinarin. Po dopo, intal zîr di pôc timp la metarin inte pagjine “Letôrs”.