Cui che o sin

Par cuistions di privacy, no podìn publicâ lis fotografiis dai autôrs. Cussì o vin pensât di meti une icone, peade ai studiis che ognidun di lôr al à fat.

 

Marie Dai Mulinars (Maria Molinari). Laureade in Lenghis e Culture Mitologjiche inte Universitât di Finkenstein.Po dopo à fat un master di trê agns inte LSF, Libare Scuele dai Fraris a Barbane, studiant usancis e antropologjie furlane. Cumò a lavore intes scuelis, comedant marcjepîts e netant gornis. Di simpri peade aes detulis, ancje par vie dai studis fats, a colabore dispès cun gjornâi e rivistis dal setôr.

 

 

Vigji Pitoss (Luigi Pitossi). Laureât in Archeologjie Lizere inte Universitât di Piran, nol à mai sgjavât plui sot di mieç metri di tiere, unic limit de sô lauree, che no i permet di lâ plui in sot. Bandonade la vite di ricercjadôr in Archeologjie Lizere, ancje parcè che se no tu vâs plui in sot, no tu cjatis nuie, al à decidût di scomençâ a studiâ la storie furlane, frecuentant plui lis ostariis che un vêr istitût. In cheste sô ultime esperience al à imparât centatis detulis, sore dut chês ditis po dopo cuatri tais.

 

 

Riche Puiûl (Enrica Terrazzino). Laureade in Siencis de Comunicazion inte Universitât di Padue, à vint, po dopo pôc timp, un master in Studi de Comunicazion Cjargnele, deventant la prime ricercjadore femine di cheste dissipline une vore preseade. Rivade insom dai siei studis, si è platade intun bosc sore Paluce e nissun al rive adore a cjatâle. Vere esperte in detulis, a comuniche cun l’esterni dome vie mail. Si conte che à un ordenadôr taponât intun arbul.