Limerick

Il limerick al è un componiment avonde curt, tipic de lenghe inglese, cun regulis une vore rigjidis, ancje se si cjatin cetantis ecezions. Il contignût al è par di plui nonsense e umoristic che al pues fâ ridi. Podevino no metilu dentri Detule Mate? No, par nuie!

Il limerick al è componût di 5 viers. Il prin, il secont e l’ultin a son in rime, cussì come il tierç e il cuart. Par di plui il prin, il secont e l’ultin a àn trê pîts (cuant che si lei si conte la metriche cui pîts, par rindi il dut plui sempliç). Il tierç e il cuart, invezit, a àn dome doi pîts. Baste lei un pôc ator e si va vie indenant cence pôre.
Viodin un esempli.

Provin il limerick, un gnûf lavôr
par ridi insiemi, par scrivi miôr.
Velu to fradi, ce maravee
plui che il purcit su la bree.
E cussì al finis il nestri gnûf lavôr!

Provin, salacor insiemi lu regolin vie fasint!